തൃശൂർ: അമ്പതിനായിരം രൂപ കൈക്കൂലി വാങ്ങിയ സ്‌പെഷ്യൽ വില്ലേജ് ഓഫീസറും വില്ലേജ് അസിസ്റ്റന്റും വിജിലൻസ് പിടിയിലായി. ഒല്ലൂക്കര വില്ലേജ് സ്‌പെഷ്യൽ വില്ലേജ് ഓഫീസർ മുറ്റിച്ചൂർ പടിയം സ്വദേശി ചോരങ്ങത്ത് പ്രസാദ്, വില്ലേജ് അസിസ്റ്റന്റ് ആശിഷ് എന്നിവരാണ് അറസ്റ്റിലായത്.
പോലീസ് പിടികൂടിയ മണ്ണുമാന്തി യന്ത്രം വിട്ടു കൊടുക്കാൻ ഭൂമിയുടെ തരം സംബന്ധിച്ച റിപ്പോർട്ട് നൽകാനാണ് കൈക്കൂലി വാങ്ങിയത്. ഇവർ അഞ്ച് ലക്ഷം രൂപയാണ് കൈക്കൂലിയായി ആവശ്യപ്പെ ട്ടതെന്നാണ് വിവരം. ഇപ്പോൾ പിടിയിലായ പ്രസാദ് താന്ന്യം വില്ലേജ് ഓഫീസിൽ ജോലി ചെയ്ത സമയത്തും നിരവധി ആരോപണങ്ങൾ നേരിട്ടിട്ടുണ്ട്.
